(20 Februari 2023-21 Februari 2023)
Rahinane mangkin, Soma 20 Pebruari 2023, Duta Kabupaten Klungkung kasarengin pendamping miwah angga Dinas Kebudayaan Kabupaten Klungkung nyarengin makudang-kudang wimbakara ri sajeroning Bulan Bahasa Bali 2023. Wimbakara sane kalaksanayang rahinane mangkin inggih punika Wimbakara Ngwacen Lontar, Nyurat Aksara Bali, miwah Debat Mabasa Bali. Pinaka duta wimbakara Ngwacen Lontar kaangganin oleh I Nengah Opria Aristawan, Duta wimbakara Nyurat Aksara Bali kaangganin oleh I Kadek Oki Tirtana, miwah Duta Wimbakara Debat sane kaangganin olih I Nyoman Teja Santosa, I Wayan Aditya Widhiatmika, miwah Dewa Ayu Nyoman Narayani saking SMAN 1 Semarapura.
Duta Klungkung ring Wimbakara Debat Mabasa Bali ngamolihang jayanti ka ping 3. Suksma dahat katur majeng ring pamilet pinaka Duta Kabupaten ring soang-soang wimbakara.
Rahina Anggara 21 Pebruari 2023, kalaksanayang wimbakara Nyurat Lontar, Pidarta, miwah Nyatua Bali sane kamiletin Duta soang-soang Kabupaten/Kota ring Taman Budaya Art Centre Denpasar. Duta Kabupaten Klungkung ngamolihang Jayanti 1 ring baga Wimbakara Nyurat Lontar. Suksma majeng Duta Kabupaten Klungkung ring soang-soang wimbakara.
Salam Gema Santi
